आर्थिक

Personal finance Investment and insurance – पर्सनल फायनान्स

स्वतःच व कुटुंबाच आर्थिक नियोजन हा जीवनातला सर्वात महत्वाचा भाग असतो.पण या कडे विदेशात जितकं महत्व दिले जाते, या बाबत  अव्हेरनेस आहे तितका आपल्यात दिसत नाही. क्वचितच आर्थिक नियोजन बाबत शाळेत किंवा कॉलेज मध्ये या विषयाबाबत शिकवले जात . वास्तविक या महत्त्वाच्या विषयावर लहानपणा पासून धडे दिले गेले पाहिजेत. परंतु तितकींशी जागरूकता व अभिज्ञता आर्थिक विषयावर दिसत नाही.

अपल्याकडे कर्ज , व्याज, बॅंक्स , करा संबंधीचे नियम , निवृत्ती नंतर ची आर्थिक तजवीज ह्या बाबत क्वचित चर्चा होतात,  किंवा माहिती घेऊन  निर्णय घेतले जातात. थोडा विचार केलात तर लक्षात येईल की लोन इन्शुरन्स ,कर सूट टॅक्स डीडक्शन बाबत आपल्याला कधी कळलं? काही तरी अडचण समोर आल्यानंतर च?

बरोबर! मग असे काही आर्थिक अडचणी समोर आल्या की जुजबी महितो घेऊन आपण निर्णय घेतो आणि पुढे त्या अंगलट येतात. आपण घराचं कर्ज घेतो ते ही जास्त न विचार करता आपल्याला किती व्याज, EMI ,दडलेल्या अटी या पेक्षा एजेंट  किती लवकर काम करून देईल त्या वर भर असतो, सही केलं की झाल आपलं काम.

पर्सनल लोन किंवा काही क्रेडिट कार्ड द्वारे खरेदी करताना  कितीजण बारकाईने  अटी वाचतात?  कितीजण निवृत्ती करता प्लॅन करतात? मुलांच्या शिक्षणासाठी नियोजन करतात?

बऱ्याचदा तर गुंतवणूक म्हणून फक्त LIC पॉलिसी काढल्या जातात? विमा आणि गुंतवूनुक मधला फरक सुद्धा आपण माहीत करून घेण्याचा प्रयत्न करत नाहीत!!

जेव्हा अडचणी समोर येतात तेव्हा वेळ निघून गेलेली असते. ह्या  पर्सनल फायनान्स सदरातून आपण आपल्या जीवनात महत्वाच्या आर्थिक निर्णयां बाबत जसे( बचत,,लोन, इन्शुरन्स,तारण क्रेडीट, पेंशन ,गुंतवूणूक टॅक्सेस, निवृत्ती)  आपण मूलभूत माहिती जाणुन घेण्याचा प्रयत्न करणार आहोत.